YA YA YA .....YASAMAN

Sebenernyo, jadilah pulok OT aku ni, biar kecik kareno alatnyo dikit, kadang aku cukup bangga kalu ado yang ngomongi suaronyo jadilah nyampe kuping pulo, idak gemeruduk gino, kato Cek Ena, tapi Mang Mansyur jugo beringgut dikit sambil nyeletuk, tapi jangan banyak gino ngimprov tu, payo berejo, dengerke nian musiknyo tu!

Kalu cak tu aku diemke be, ngecikke balak. Dio tu dak tau makmano susahnya mecet setuo itu. Kamek ni dewe'an nak ngeladeni kamok kamok tu nyanyi macem macem, ado yang nak dangdut, pop, keroncong, melayu, nakbe-remix, aidah banyak nian..dak cukup ngapali seribu lagu be, kalu lah nak bejuta nak dipejelke jeru memori ni. Tapi cakmanapun, diejo-ejoke, soalnyo taruhannyo job, gek dak pake wong lagi, sisip dikit babet wong samo batu.

Kalu be aku ni betino, lemaklah jadi Biduan be, cukup modal limo ikok lagu duet, limo ikok lagu solo, dah lah pacak manggung. Kalu dak pales igo, rai pulok ado manis manisnyo dikit, tambah goyang dikit...saweran bakalan seliweran. Alhasil jauh dipucuk gaji Pemaen, bahkan Boss OT. Kadang teraso nyeseknyo didado, apolagi Biduan yang ketit bin pedit. Kalu di OT memang katek aturannya harus dibage cak di Orkes. Sudahlah bukan masalah ini yang nak kuceritoke disini.

Untuk seluruh krew yang telibat dalam sikok panggung hiburan OT, yang kebetulan maco tulisan ini, jangan sekali-kali ngeremehke Job yang sudah disetujui sebelumnyo, apolagi yang sudah dipanjar, apolagi kalu hajatan wong kawen. Yang namonyo Kawen itu mungkin cuma sekali seumur idup! Nah cakmano kalu kalu kito kacepke atau kacauke, bukan dak mungkin nyawo kito taruhannyo. 

Untunglah aku ni punyo usaha ini memang terjun nian, dari mulai ngunjali alat alat, nyetel, sampe maen dewek, jadi jarang kusut gino kecuali sikok faktor tulah....Biduan ! Kadang dikacepke Biduan lah parak parak ari nian, bahkan di hari H nyo nian. Jadi bener nian lagu YA SAMAN itu:

Ya ya ya , Ya saman. Pecaknyo mudah tapi saro nian,

 Ya ya ya, Ya saman....nyari Bi..duan yang bener bener setulo'an.

Sebenernye banyak lagi nak kuceritoke unek unek. Tapi dah jadilah semak itu bae, semoga bermanfaat bage kito galo galo.

Salamlekum, Rheezal